Principal
Prólogo
Introducción
Clasificación
Aerófonos
Cordófonos
Membranófonos
Idiófonos
Obradoiro
Artesáns
Bibliografía
Discografía
Ligazóns
Músicos
Agradecementos
Contacto
             

     Instrumentos Galegos Moisés Quintas Suárez

         

 

Agradecementos

 

 

O autor quere agradecer expresamente...

A Viqui, Manel e Lois por seren a miña ledicia de cada día.

Aos meus pais e en espacial á miña nai Ramona polo agarimo con que me ten ensinado, sempre cun sorriso, todo tipo de cantigas, lendas, costumes…

Aos meus avós Estrella e Gumersindo polas cantigas que me ensinaron na lareira a carón do lume.

Ao meu tío Luis por ter sempre un conto ou unha cantiga nos beizos.

A D. Xosé Pérez González polas longas conversas nas que desde neno me foi amosando o camiño e facendo medrar en min o interese e agarimo pola música do pobo, pola fala e pola Terra. Que o alalá de Lobeira te acompañe sempre.

A Jorge P. Fontenla, Mª Jesús Rodríguez e Mº Dolores Quintas pola súa disposición e axuda en todo canto precisei.

A Marcial, mestre e amigo.

A Francisco Morgade, por todos os momentos de música compartidos e por confiar sempre nas miñas propostas.

Á editorial Ouvirmos, por apostar pola difusión deste traballo e polo seu compromiso coa nosa cultura.

Aos músicos que participaron na gravación, polo seu apoio e amizade: Viqui, Rosa, Lucía, Almudena, Pepe, Javier, Marcial, Xocas e J. Manuel.

Aos amigos e amigas sempre dispostos a axudar: Amalia e Álvaro, Xulia Fernández, Juan Eiras, Xulio Labandeira, Ramón Villaverde, Teresa Santamaría, Enrique Fernández, Ricardo García, Marilú Campos, Eva González, Javier Feijoó “Chisco”…

A Vicente, director da charanga Penas Ceibes, por acompañarme na recollida de campo.

Aos meus compañeiros do Ceip X. Fernández López do Porriño e aos meus alumnos, dos que nunca deixo de aprender.

Ao mestre artesán Manuel Brañas, director do Obradoiro-Escola de Instrumentos Populares da Deputación de Ourense, pola súa inestimable axuda.

Ao artesán X. Manuel Gil, moitísimas grazas polos instrumentos e pola túa atención en todo momento.

Aos artesáns que me axudaron ben con información ou tamén prestándome instrumentos: Alfonso Gil, Carlos do Viso, Oli Giráldez, Miguel Mosquera, J. Luis Carballo Enríquez, José Eduardo Márquez, Xosé Vázquez “Che”.

Agradezo especialmente a achega do gran mestre Antón Corral por atenderme xenerosamente, facilitarme información e prestarse a escribir o prólogo deste traballo.