|
Instrumentos Galegos Moisés Quintas Suárez
Idiófonos
Axudan a pastores e arrieiros para cantar ao seu ritmo nos desprazamentos que estes facían co gando. Aquí, o mesmo que na maioría das cantigas de labores (liño, sega, canteiros…), é o cantar o que se adapta a un ritmo dado pola acción do traballo, neste caso, o ritmo dos chocallos ao moverse pendurados do pescozo do gando.
Cómpre destacar a súa función comunicativa penduradas nos campanarios das igrexas e catedrais de pobos e vilas. Ademais da súa función principal que é chamar a misa, tanto poden tocar a festa ou a morto como avisar dun incendio. Tamén marcan o ritmo nos entroidos pendurados dos pés ou da cintura dos, cigarróns, pantallas, peliqueiros, troteiros…
Non é frecuente que se empreguen tradicionalmente como tales na cultura musical galega, pero si os escoitamos, por formar parte e estar incluídos case sempre dentro doutro instrumento tradicional galego: o pandeiro. Consiste nunha peza de metal con forma esférica que ten unhas aberturas para amplificar o son. Dentro leva unha peciña metálica solta que produce o son ao golpearse contra as paredes interiores. É costume penduralo do pescozo de animais domésticos como gatos ou cans.
|